TRAUMATOLOGIA
DR. JAVIER DE LA FUENTE
DR. FERNANDO DÁVILA
Mediku diagnostikoak pertsonaren sintoma, seinale eta irudi frogak bezalako miaketa osagarriak kontutan hartuta, honek pairatzen duen lesio edo gaixotasuna ezartzen du.
Mediku diagnostikoa gure klinikan fisioterapeutak egindako balorazioaren osagarri garrantzitsua da. Pazienteari ekografian eta ortopedia ebakuntzan espezialista den traumatologo batek diagnostiko konkretua ematen dio bere lesioaren inguruan.
Gainera, pazienteak behar duen tratamenduaren inguruko azalpenak jasotzen ditu, bai traumatologoak momentuan bertan egin ditzakeen tratamenduen inguruan, eta baita ebakuntza baten inguruan ere, hau beharrezkoa duten lesioetan.
Duen eskuragarritasunari eta bizkortasunari esker, diagnostikorako, prebentziorako, tratamendurako eta jarraipenerako erreferentzia-tresna bilakatu da ekografia.
Traumatologoak kontsultan bertan pazientearen mediku diagnostiko zehatz batera iristeko erabiltzen duen irudi frogetako bat da. Pazienteak ekarri ditzakeen irudi frogez gain, erradiografia edo erresonantzia magnetikoa esaterako, ekografian espezialista den traumatologoak momentuan bertan teknika honen bitartezko esplorazioa egiten du diagnostiko zehatz bat ezartzeko.
Hortaz gain, medikua ekografoaz baliatzen da tratamendu eko-gidatuak, esaterako infiltrazioak, fluido xurgapenak eta kaltzifikazioen tratamenduak modu zehatz, espezifiko eta seguru batean egin ahal izateko.
Infiltrazio kontzeptuak artikulazio edo ehun jakin batean medikamentu baten injekzioa definitzen du, zeinak zuzenean mindutako lekuko inflamazio prozesu mingarrietan efektu onuragarria duen.
Ezinbestekoa da ekografiaren erabilera infiltrazio prozesuak gidatzeko, orratza une oro begi bistan edukitzea baimentzen duelako, horrela infiltrazio puntua kontrolpean dugularik.
Infiltratutako produktuak talde ezberdinetan banatzen dira medikamentu motaren arabera:
- Medikamentu esteroideoak. Hauen helburua antiinflamatorioa da.
- Medikamentu anestesikoak. Hauen helburua minaren berehalako gutxiagotzea da.
- Azido Hialuronikoa. Likido sinobialaren biskoelastizitate babeslea berriztatzen du, frikzioa arinduz eta mugikortasun artikularra hobetuz.
Infiltrazio teknikak erabiltzen diren lesio ohikoenak hurrengoak dira:
- Artikulaziotako artrosiak
- Artikulaziotako inflamazio prozesuak
- Bursitis subakromiala
- Nerbio blokeoak
Gorputzean gehiegizkoa den likido edo fluido baten isurketa dagoenean eta honek mina edo gorputzeko espazio okupazioa baldintzatzen duenean egiten den prozesu terapeutikoa da aspirazioa. Fluido hori orratz baten bidez aspiratzen da, orratz hau isurketaren puntu zehatzean kokatzen delarik.
Ezinbestekoa da ekografiaren erabilera aspirazio prozesuak gidatzeko, orratza une oro begi bistan edukitzea baimentzen duelako, horrela honen norabidea eta lokalizazioa kontrolatzen dugu eta aspirazioa zehazki behar dan lekuan egiteko aukera ematen digu.
Gorputzeko isurketa motak eta beren aspirazioak ezberdinak izan daitezke eta hauek dira ohikoenak:
- Likido sinobialaren isurketa artikularra (belaunean ohikoa).
- Seroma isurketa bikitako zuntz hausturan.
- Odol isurketa enkapsulatutako zuntz hausturan.
- Traumatismo ondoriozko Morel-Lavallée isurketak.
- Kiste sinobialak eta ganglionak.
Sorbaldako kaltzifikazioen garbiketa eko-gidatuaren teknikan, orratz batek kaltzifikazioaren edukia ateratzen du tendoiaren barrutik. Anestesia lokalaz lagunduta, orratz bat sartzen da kaltzifikazioaren erdira, non bertara serum gatzatua presioz injektatzen den kaltzifikazioa bera hausteko. Ondorioz, bere kaltziozko edukia teknikarako erabilitako xiringatik husten da. Kaltzifikaziorik ohikoenak supraespinoso tendoian ematen dira.
Ezinbestekoa da ekografiaren erabilera kaltzifikazio garbiketa prozesuak gidatzeko, orratza une oro begi bistan edukitzea baimentzen duelako, horrela honen norabidea eta lokalizazioa kontrolatzen dugu eta garbiketa zehazki behar dan lekuan egiteko aukera ematen digu.
PRP infiltrazio tratamendua terapia mediku berritzaile bat da, pazientearen odol osagarri ezberdinak erabiliz ehunen sendatze eta birsortze prozesuak sustatzen dituena.
PRP-a pazientearen odoletik ateratzea lortzen den plaketa eta hazkunde faktoreen arteko kontzentrazio bat da. Odol kopuru txiki bat ateratzen da lehenengo, zeina zentrifugatu egiten den odolaren osagarriak beraien artean banantzeko, honi esker plaketa kontzentrazio handia duen odolaren zatia lortuz.
PRP-a lortu denean, pazientearen lesio unean infiltratzen da. Plaketek, hazkunde faktoreak askatzen dituzte mindutako ehunen sendatze prozesua sustatuz eta inflamazio egoera gutxituz.
Bere erabilerarako patologia ohikoenak:
- Belauneko Artrosia
- Aldakako Artrosia
- Errotula Tendinopatia
- Aquiles Tendinopatia
- Fascitis Plantar-a
- Epicondilitis-a